भोजपुरी गीत

इ बिदेसी बिया से न फूल देसी फुलाई

अब पछुआ बयार रउरा लइ गयल बहाई

बदल वेश भूषा भइया इतरा के डोलल

जइसे देसी कुतिया मराठी बोल बोलल

रउरा तौ आपन माटी अब गयल भुलाई

इ बिदेसी बिया से न फूल देसी फुलाई

अंगरेजी में कहेला अब बाई टाटा

बचुआ अब फैशन मा, बाप का कहे पापा

काहे लजाला भइया बोले म तू माई

इ बिदेसी बिया से न फूल देसी फुलाई

काहे लजाला बोले में अपन भाखा

सुगंध से माटी के महकल बा ई भाखा

ई भोजपुरी त बा पहिचान आपन भाई

इ बिदेसी बिया से न फूल देसी फुलाई